Skálarimi , 803 Selfoss

79.900.000 kr.
  • Tegund Einbýli
  • Stærð 200 m2
  • Herbergi 7
  • Stofur 2
  • Svefnherbergi 6
  • Baðherbergi 3
  • Inngangur Sér
  • Byggingaár 2008
  • Lyfta Nei
  • Brunabótamat 82.750.000
  • Fasteignamat 46.050.000
  • Áhvílandi 0

Eignamiðlun kynnir:

Mjög fallegt 200,3 fermetra einbýlishús með aukaíbúð, á einni hæð á einstökum útsýnisstað í Flóahreppi, 2,8 hektara lóð sem gefur ýmsa möguleika. Í aðalíbúðinni eru fimm svefnherbergi, bjartar og rúmgóðar stofur með mikilli lofthæð, eldhús opið til stofu, tvö baðherbergi, forstofa og þvottahús. Aukaíbúð er með sér inngangi, rúmgóðu herbergi, baðherbergi og eldhúsi. Ágætar leigutekjur af íbúðinni. Frá húsinu sést til allra jökla og allra eldfjalla á Suðurlandi.  Tilvalið fyrir allt útivistarfólk, hestafólk og aðra sem vilja vera í tengslum við íslenska náttúru. Stutt er í skóla, en Flóaskóli sem nær upp í 10.bekk er nokkrar mínútur í burtu með skólabílnum. Leikskóli er staðsettur í Þingborg við Suðurlandsveg, 10 til 15 mínútna akstur.

Allar upplýsingar veitir Ólafur H. Guðgeirsson, MBA, lgfs., í síma 663-2508 eða [email protected] sem einnig sýnir eignina. Til að undirbúa kauptilboð þá er skynsamlegt að fá söluverðmat á þinni eign, þér að kostnaðarlausu. Hringið og ræðið málið í síma 663-2508.
Sækið söluyfirlit hér.


Skálarimi er um það bil klukkustundar akstur frá Reykjavík, í Flóahreppi ekki langt frá Þjórsá, um það bil miðja vegu milli þjóðvegar 1 og sjávar. Fylgt er Þjóðvegi 1 nokkuð austur fyrir Selfoss, þar farið til hægri veg 305 Villingaholtsveg í svo sem 15 mín þar sem beygt er til hægri veg 308, en þá er stutt í skilti fyrir Skálarimi. Mjög víðsýnt er af þessari leið, sérstaklega seinni hluta leiðarinnar.
Stórt bílastæði er framan við húsið, en nægt pláss væri til að byggja stóran bílskúr, hesthús eða aðrar slíkar byggingar við stæðið að fengnu byggingarleyfi. Lóð hússins er 2,8 hektara eignarland, að mestu tún sem nýta má til sláttar.
Gengið er inn í húsið um flísalagða forstofu með góðu skápaplássi. Til hægri úr forstofu er baðherbergi með flísum á gólfi, sturtuklefa, lítilli innréttingu og glugga. Úr forstofu er einnig gengið í eitt herbergi sem í dag er nýtt sem skrifstofa. Rennihurð úr timbri er fyrir dyrum úr forstofu í hol hússins.
Holið, stofur og eldhús eru í samtengdum rýmum með mikill lofthæð og gluggum í þrjár áttir. Stórt borðstofuborð er í holi, en gott pláss er í holi og stofum. Setustofa er rúmgóð og mjög björt, opið eldhús við enda stofu og gluggar í þrjár áttir veita mikilli birtu inn í bjart og vistlegt rýmið. Dyr eru úr stofu til suðurs út í garð.
Úr holi er gengið í fjögur svefnherbergi, aðalbaðherbergi og þvottahús. Til suðurs úr holi eru tvö falleg barnaherbergi, baðherbergi og hjónaherbergi með fataskápum. Herbergin eru öll björt og vistleg, með gluggum til suðurs. Baðherbergið er nýlega endurgert með flottum sturtuklefa og baðkari, flísum á gólfi og veggjum að hluta, vegghengdu salerni og innréttingu undir vaski.
Úr holi, við hlið eldhúss, er rúmgott herbergi, en alls eru fimm svefnherbergi í aðalíbúðinni.
Í holi við forstofudyr er gengið í þvottahús, þar sem er gott pláss fyrir þvottavél og þurrkara ásamt hillum og skápum. Rúmgott geymsluloft er yfir þvottahúsinu. Í þvottahúsi eru dyr inn í studioíbúð, þar sem er svefnpláss fyrir 3 til 4, eldhús með góðri eldunaraðstöðu og baðherbergi með flísum á gólfi, sturtuklefa, vegghengdu salerni og lítilli innréttingu undir vaski. Íbúðin er með sérinngangi og nýtist afar vel fyrir gesti eða til útleigu.
Á gólfum meginrýma og herbergja er fallegt harðparket. Flísar eru á eldhúsi, forstofu og baðherbergjum.
Húsið er vel umgengið og hefur að því er séð verður notið góðrar umhirðu núverandi eiganda. Áður var rekin gisting fyrir ferðamenn í húsinu og voru þá til staðar öll leyfi fyrir slíkum rekstri.

Hér er um að ræða frábærlega staðsett, vel hannað rúmgott fjölskylduhús sem býður upp á mikla möguleika. Einstakt útsýni er frá húsinu og lóðinni, en sjá má Eyjafjallajökul og Mýrdalsjökul til austurs, Tindfjöllin blasa við og Hekla til norðurs ásamt Langjökli. Staðkunnugir segja að í besta skyggni megi sjá móta fyrir jökulskyldi Bárðarbungu langt í norðaustri, en til suðausturs rísa Vestmannaeyjar úr hafinu. Meðan gaus í Fagradalsfjalli mátti greinilega sjá gosbjarmann frá Skálarima.
 
Kostnaður kaupanda af kaupum:
1. Stimpilgjald af kaupsamningi er fyrir einstaklinga 0,8% af heildarfasteignamati eignar. Sé um fyrstu kaup að ræða er stimpilgjald af kaupsamningi 0,4% af heildarfasteignamati.
2. Stimpilgjald af kaupsamningi fyrir lögaðila er 1,6% af heildarfasteignamati eignar.
3. Þinglýsingargjald af kaupsamningi, afsali, veðskuldabréfi, veðleyfi og mögulega fleiri skjölum. - kr. 2.500 af hverju skjali.
4. Lántökugjald lánastofnunar - samanber gjaldskrá viðkomandi lánastofnunar.
5. Umsýslugjald til fasteignasölu samkvæmt kaupendasamningi.
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu seljanda samanber 26.gr. laga nr.40/2002 um fasteignakaup og 25.gr. laga nr.26/1994 um fjöleignarhús. Eignamiðlun fasteignasala bendir fasteignakaupendum á ríka skoðunarskyldu kaupenda sem kveðið er á í lögum um fasteignakaup nr.40/2002. Kaupanda er bent á að nýta sér þjónustu fagmanna við skoðun fasteigna, en mælt er með því að kaupendur fasteigna fái óháðan fagaðila til að framkvæma formlega ástandsskoðun á eignum sem gert er tilboð í.

Eignamiðlun fasteignasala | Grensásvegi 11 | 108 Reykjavík | Sími 588 9090 | www.eignamidlun.is

Ábyrg þjónusta í áratugi. Eignamiðlun var stofnuð 1957 og er elsta starfandi fasteignasala á Íslandi. Reynsla, heiðarleiki og þekking á fasteignamarkaðnum eru grunnur að farsælum viðskiptum. 

Eignamiðlun Grensásvegi 11, 108 Reykjavík - Opið frá kl. 9-17 mánudaga til fimmtudaga og 9-16 á föstudögum.

Heimasíða Eignamiðlunar

Eignamiðlun á Facebook